ಡೈನಾಮಿಕ್ ಪ್ರಿನ್ಸ್ ಎಂದೇ ಖ್ಯಾತರಾಗಿರುವ ಪ್ರಜ್ವಲ್ ದೇವರಾಜ್ ಅವರ ಮುಂದಿನ ಸಿನಿಮಾ ‘ವೀರಂ’ನ ಟ್ರೈಲರ್ ಇಂದು ಬಿಡುಗಡೆಯಾಗಿದೆ. ಪಕ್ಕ ಕಮರ್ಷಿಯಲ್ ಆಕ್ಷನ್ ಎಂಟರ್ಟೈನರ್ ಆಗಿರಲಿರುವ ಈ ಸಿನಿಮಾ ಶಶಿಧರ್ ಕೆ ಎಂ ಅವರು ನಿರ್ಮಾಣ ಮಾಡಿದ್ದು ಝೆಡ್ ಖದರ್ ಕುಮಾರ್ ಅವರು ಆಕ್ಷನ್ ಕಟ್ ಹೇಳಿದ್ದಾರೆ. ಇದೇ ಏಪ್ರಿಲ್ 7ಕ್ಕೆ ಎಲ್ಲೆಡೆ ಭರ್ಜರಿಯಾಗಿ ಬಿಡುಗಡೆಯಾಗಲಿರುವ ಈ ‘ವೀರಂ’ ಸಿನಿಮಾದ ಟ್ರೈಲರ್ ಇದೀಗ ಎಲ್ಲರ ಗಮನ ಸೆಳೆಯುತ್ತಿದೆ.
ಮಾಸ್ ಆಕ್ಷನ್ ಸಿನಿಮಾವಾಗಿರುವ ಈ ‘ವೀರಂ’ನಲ್ಲಿ ನಾಯಕನಟ ಪ್ರಜ್ವಲ್ ದೇವರಾಜ್ ಅವರಿಗೆ ಎದುರಾಗಿ ಹಲವು ವಿಲನ್ ಗಳು ಕಾಣಿಸಿಕೊಳ್ಳುತ್ತಾರೆ. ಅದರಲ್ಲಿ ಪ್ರಮುಖರಾಗಿ ಶ್ರೀನಗರ್ ಕಿಟ್ಟಿ ಅವರು ಕೂಡ ಇರಲಿದ್ದಾರೆ. ಅಲ್ಲದೇ ಮುಖ್ಯ ಎದುರಾಳಿಯಾಗಿ ದೀಪಕ್ ಅವರು ಇರಲಿದ್ದು, ಅವರ ಲುಕ್ ಹಾಗಿ ನಟನೇ ಎಲ್ಲಾ ಸ್ಟೈಲಿಶ್ ಆಗಿ ಟ್ರೈಲರ್ ನಲ್ಲಿ ಮೂಡಿಬಂದಿದೆ. ಸಾಹಸಸಿಂಹ ವಿಷ್ಣುವರ್ಧನ್ ಅವರ ಅಭಿಮಾನಿಯಾಗಿ ಪ್ರಜ್ವಲ್ ಈ ಚಿತ್ರದಲ್ಲಿ ಕಾಣಿಸಿಕೊಳ್ಳಲಿದ್ದು, ಉದ್ದ ಕೂದಲು ಬಿಟ್ಟು, ಹೊಸ ಲುಕ್ ನಲ್ಲಿ ಮೋಡಿ ಮಾಡಲಿದ್ದಾರೆ. ಡಿಫೆರೆಂಟ್ ಡ್ಯಾನಿ ಅವರ ಭರ್ಜರಿ ಆಕ್ಷನ್, ಖಡಕ್ ಡೈಲಾಗ್ಸ್ ಎಲ್ಲವೂ ಸಿನಿಪ್ರೇಕ್ಷಕರನ್ನ ಸೆಳೆಯುವಲ್ಲಿ ಯಶಸ್ವಿಯಾಗಿದೆ. ಇನ್ನು ನಾಯಕಿಯ ಪಾತ್ರದಲ್ಲಿ ರಚಿತಾ ರಾಮ್ ಬಣ್ಣ ಹಚ್ಚಿದ್ದು ಇವರ ಜೊತೆಗೇ ಅಚ್ಯುತ್ ಕುಮಾರ್, ಶೃತಿ ಮುಂತಾದವರು ಕೂಡ ಪ್ರಮುಖ ಪಾತ್ರಗಳಲ್ಲಿದ್ದಾರೆ.
ಖದರ್ ಕುಮಾರ್ ಅವರ ನಿರ್ದೇಶನದ ಈ ಸಿನಿಮಾ ಮಾಸ್ ಆಡಿಯೆನ್ಸ್ ಆಚರಿಸೋ ಹಬ್ಬದೂಟವಾಗುವುದಂತೂ ಖಚಿತ. ಮಿಸ್ಟರ್ ಎಂ ಅವರ ಹಿನ್ನೆಲೆ ಸಂಗೀತ ಕೂಡ ಟ್ರೈಲರ್ ಗೆ ಹೊಂದಿಕೊಂಡಿದ್ದು, ವೈಭವೀಕರಿಸಿದೆ. ಅನೂಪ್ ಸೀಳಿನ್ ಅವರ ಹಾಡುಗಳು ಚಿತ್ರದಲ್ಲಿರಲಿವೆ. ಶಶಿಧರ್ ಕೆ ಎಂ ಅವರು ನಿರ್ಮಾಣ ಮಾಡಿರುವ ಈ ಸಿನಿಮಾ ಇದೇ ಏಪ್ರಿಲ್ 7ಕ್ಕೆ ಎಲ್ಲೆಡೆ ಭರ್ಜರಿಯಾಗಿ ಬಿಡುಗಡೆಯಾಗಲಿದೆ.
