ಪ್ರತಿ ವರ್ಷ ಎರಡು ಮೂರು ಸಿನಿಮಾ ರಿಲೀಸ್ ಮಾಡುತ್ತಿದ್ದ ಹರಿಪ್ರಿಯಾ ನಡುವೆ ಎರಡೂವರೆ ವರ್ಷಗಳ ಅಂತರವನ್ನು ನೋಡಬೇಕಾಯಿತು ಎಂದರೆ ತಪ್ಪಲ್ಲ. ಪೆಟ್ರೋಮ್ಯಾಕ್ಸ್‌ನೊಂದಿಗೆ ಸಾಂಕ್ರಾಮಿಕ ರೋಗವು ಪ್ರಾರಂಭವಾದ ನಂತರ ಈಗ ನಟಿ ತನ್ನ ಮೊದಲ ಸಿನಿಮಾ ಬಿಡುಗಡೆಗೆ ಎದುರು ನೋಡುತ್ತಿದ್ದಾರೆ. ಮತ್ತು ತಮ್ಮನ್ನು ನಟನೆಗೆ ಪ್ರೇರೇಪಿಸಿದ ಈ ಪಾತ್ರದ ಬಗ್ಗೆ ಅವರು ಸಂತೋಷವನ್ನು ವ್ಯಕ್ತಪಡಿಸಿದ್ದಾರೆ.
ಸಿನಿಮಾದ ಬಗ್ಗೆ ಮಾತನಾಡಿದ ಅವರು
”ನಾನು ಯಾವತ್ತೂ ಒಬ್ಬ ನಟ ಅಥವಾ ನಿರ್ದೇಶಕನ ಜೊತೆ ಸುಮ್ಮನೆ ಕೆಲಸ ಮಾಡುವುದಿಲ್ಲ. ಸಿನಿಮಾದ ಕಥೆ ಮೆಚ್ಚುಗೆಯಾಗುವಂತಿದ್ದರೆ ಮತ್ತು ನನ್ನ ಪಾತ್ರವು ಕಥೆಯಲ್ಲಿ ಮಹತ್ವವನ್ನು ಹೊಂದಿದ್ದರೆ ಮಾತ್ರ ನಾನು ನಟಿಸಲು ಒಪ್ಪಿಕೊಳ್ಳುತ್ತೇನೆ. ಹಾಗೂ ನನ್ನ ನಟನಾ ಸಾಮರ್ಥ್ಯವನ್ನು ಪ್ರದರ್ಶಿಸಬಹುದಾದಂತಹ ಪಾತ್ರ ಅದಾಗಿರಬೇಕು. ನಂತರವೇ ನಾನು ಪ್ರಾಜೆಕ್ಟ್ ಗೆ ಸಹಿ ಹಾಕುತ್ತೇನೆ. ವಿಜಯ ಪ್ರಸಾದ್ ಅವರೊಂದಿಗೆ, ಪರಸ್ಪರರಿಂದ ಏನನ್ನು ನಿರೀಕ್ಷಿಸಬೇಕೆಂದು ನಮಗೆ ತಿಳಿದಿದೆ, ಪರಸ್ಪರರ ಸಾಮರ್ಥ್ಯಗಳ ಬಗ್ಗೆ ನಮಗೆ ತಿಳುವಳಿಕೆ ಇದೆ. ಇದು ನನ್ನ ಪಾಲಿಗೆ ಪ್ಲಸ್ ಪಾಯಿಂಟ್” ಎಂದರು.
ಚಿತ್ರದಲ್ಲಿ ತಮ್ಮ ಪಾತ್ರದ ಬಗ್ಗೆ ಮಾತನಾಡಿದ ಅವರು ”ನಾನು ರಿಯಲ್ ಎಸ್ಟೇಟ್ ಏಜೆಂಟ್ ಮೀನಾಕ್ಷಿ ಪಾತ್ರವನ್ನು ನಿರ್ವಹಿಸುತ್ತಿದ್ದೇನೆ. ಕನ್ನಡ ಚಿತ್ರಗಳಲ್ಲಿ ರಿಯಲ್ ಎಸ್ಟೇಟ್ ಏಜೆಂಟ್ ಆಗಿ ನಟಿಸುವ ಮಹಿಳೆಯನ್ನು ನಾನು ಕಂಡಿಲ್ಲ. ಇದು ನನಗೆ ಆಸಕ್ತಿಯನ್ನುಂಟುಮಾಡಿದೆ, ಏಕೆಂದರೆ ಈ ಉದ್ಯೋಗವು ಬಹಳಷ್ಟು ಪುರುಷರು ಮತ್ತು ದಾಖಲೆಗಳೊಂದಿಗೆ ವ್ಯವಹರಿಸಲು ಧೈರ್ಯಶಾಲಿಯಾಗಿರುವ ಮಹಿಳೆಯ ಕುರಿತಂತಿದೆ. ಆಕೆ ಸಂಪ್ರದಾಯವಾದಿ ಅಥವಾ ಮೃದುವಾಗಿ ಮಾತನಾಡುವವಳಲ್ಲ. ಆಕೆಯ ಪಾತ್ರವು ಧೈರ್ಯವನ್ನು ಬಯಸುತ್ತದೆ. ನನ್ನ ಪಾತ್ರವು ಚಿತ್ರದ ಇತರ ಎಲ್ಲಾ ಪಾತ್ರಗಳಿಗೆ ಸಂಪರ್ಕ ಹೊಂದಿದೆ, ಅದು ನನಗೆ ಕ್ಲಿಂಚರ್ ಆಗಿತ್ತು. ಅವಳು ಎಲ್ಲರೊಂದಿಗೆ ಸಂಬಂಧಗಳನ್ನು ನಿರ್ಮಿಸುತ್ತಾಳೆ ಮತ್ತು ಕಥೆಯನ್ನು ಮುಂದಕ್ಕೆ ಕೊಂಡೊಯ್ಯುತ್ತಾಳೆ. ಚಿತ್ರದುದ್ದಕ್ಕೂ ಆಕೆಗೆ ಬಹುಮುಖ್ಯ ಪಾತ್ರವಿದೆ” ಎಂದರು.
ಈ ಪಾತ್ರಕ್ಕಾಗಿ ನಡೆಸಿದ ತಯಾರಿಯ ಬಗ್ಗೆ ಹೇಳಿದ ಅವರು ”ಪ್ರತಿ ಚಿತ್ರದಲ್ಲೂ ನಾನು ವಿಭಿನ್ನವಾಗಿ ಕಾಣ ಬಯಸುತ್ತೇನೆ. ಈ ಚಿತ್ರದಲ್ಲಿ ನಾನು ಚೈನೀಸ್ ಕಾಲರ್, ವಾಚ್ ಮತ್ತು ಸ್ಲಿಂಗ್ ಬ್ಯಾಗ್ ಇರುವ ಬಟ್ಟೆಗಳನ್ನು ಧರಿಸುತ್ತೇನೆ. ದ್ವಿಚಕ್ರ ವಾಹನವನ್ನೂ ಓಡಿಸುತ್ತೇನೆ. ಚಿತ್ರದಲ್ಲಿ ಒಂದು ಬೋಲ್ಡ್ ದೃಶ್ಯವೂ ಇದೆ, ಅದು ಟ್ರೇಲರ್‌ನಿಂದ ವೈರಲ್ ಆಗಿದೆ. ಆ ನಿರ್ದಿಷ್ಟ ದೃಶ್ಯವು ಕಥೆಗೆ ಪ್ರಮುಖ ತಿರುವನ್ನು ತಂದುಕೊಡುತ್ತದೆ” ಎಂದರು.
”ಒಟ್ಟಿನಲ್ಲಿ ಮಾಡಿದರೆ ಒಳ್ಳೆಯ ಸಿನಿಮಾ ಮಾಡಬೇಕು, ಇಲ್ಲದಿದ್ದರೆ ಏನೂ ಮಾಡದೇ ಖುಷಿಯಾಗಿರುತ್ತೇನೆ ಎಂಬ ನಂಬಿಕೆ ನನ್ನದು. ಆಗ ನಿಮ್ಮ ಅಭಿಪ್ರಾಯಗಳಿಗೂ ಗೌರವ ಸಿಗುತ್ತದೆ” ಎನ್ನುತ್ತಾರೆ ಹರಿಪ್ರಿಯಾ.
